Ака уйăхĕн 17-мĕшĕнче Канаш муниципаллă округĕнче  Чăваш чĕлхи кунне халалланă «Тăван чĕлхесĕр – чăн-чăн пĕлÿ çук» фестиваль иртрĕ

Ака уйăхĕн 17-мĕшĕнче Канаш муниципаллă округĕнче  Чăваш чĕлхи кунне халалланă «Тăван чĕлхесĕр – чăн-чăн пĕлÿ çук» фестиваль иртрĕ. Унта пирĕн шкулти ачасем те хастар хутшăнчĕç. 
   «Манман-ха вăрçă суранне, асра тытатпăр паттăрсен ятне» темăпа çырнă сочиненисен конкурсĕнче Смолин Арсений (8-б) 1-мĕш вырăн,  Качанова Дарья (7-б) 2-мĕш вырăн йышăнчĕç.
   «Константин Иванов чăваш поэзийĕн классикĕ», «Стихван Шавли – нумай енлĕ пултарулăх» кроссвордсен конкурсне хутшăнса  Степанова Софья (9-а), Игнатьева Дарья (9-а), Фролова Варвара (8-а) малти вырăнсене тухрĕç. 
   Çĕнтерÿçĕсене, вĕсене хатĕрлекен вĕрентекенсене Максимова Надежда Константиновнăна, Сергеева Людмила Николаевнăна, Смолина Светлана Нестеровнăна саламлатпăр, малалла та ăнăçусем сунатпăр.