Ҫу уйӑхӗн 9-мӗшӗнче Турханкас Чарпуҫ (Имелево) ялӗнче пурӑнакан Наумов А.

Ҫу уйӑхӗн 9-мӗшӗнче Турханкас Чарпуҫ (Имелево) ялӗнче пурӑнакан Наумов А. П. 80 ҫулхи сумлӑ юбилейне паллӑ турӗ. Чӑваш Республикин тава тивӗҫлӗ ял хуҫалӑх ӗҫченне Ямаш территори пайӗн специалисчӗсем, ветерансен канашӗ, культура ӗҫченӗсемпе тус-тӑванӗсем ӑшшӑн саламларӗҫ.
Тивӗҫлӗ канӑва тухичченех Александр Петрович тӑван хуҫалӑхра механизаторта, ӗне фермин заведующинче вӑй хунӑ. Мӑшӑрӗпе, Елена Николаевнӑпа, 5 ача ҫитӗнтерсе пурнӑҫ ҫулӗ ҫине кӑларнӑ.
Малалла та хавхаланса пурӑнма ырлӑх-сывлӑх, иксӗлми вӑй-хӑват сунчӗҫ ӑна ҫывӑх ҫыннисемпе хӑнасем, хаваслӑ юрӑ-кӗвӗпе кӑмӑла ҫӗклерӗҫ.